Së fundmi aktori i njohur Bill Cosby në një intervistë për emisionin radiofonik “Now with Scott Spears” foli më shumë për planet e tij për t’u rikthyer në skenë me një turne komedi në 2023.
Po, do të jem në gjendje të bëj turne përsëri. Kur të dalë nga kjo, ndjej se do të jem në gjendje të performoj dhe të jem Bill Cosby që publiku im më njeh se jam. Vite më parë, ndoshta 10 vjet më parë, kuptova se ishte më mirë ta thosha pasi ta shkruaja.
‘Variety’ pyeti përfaqësuesin e Cosby, Andrew Wyatt për planet e Bill për t’u kthyer. Ai tha se komediani do të tentojë një fillim të turneut pranverë/verë. Ky vendim ndezi zemërim të madh në mesin e njerëzve që mbrojnë viktimat e përdhunimit dhe sulmeve seksuale. Cosby është akuzuar nga dhjetëra gra për hedhje të pilulave në pijet e tyre dhe abuzuar me to ndërsa ishin pa ndjenja. Ai u dënua për sulm seksual në vitin 2018, por u lirua në vitin 2021 pasi dënimi u rrëzua nga Gjykata e Lartë.
Nuk dihet se si do të përgjigjet publiku nëse Bill Cosby i kthehet aktivitetit në skenë. Turneu i fundit komedik i Cosby-t ishte në vitin 2015, i cili e pa atë duke performuar në të gjithë Amerikën e Veriut. Shfaqjet u ndeshën me protesta dhe anulime.
Cosby u arrestua më vonë në dhjetor 2015 dhe doli në gjyq për çështjen penale në 2017. Procedurat civile në lidhje me akuzat kundër komedianit rifilluan në qershor 2022, me përfundimin se Bill abuzoi me një vajzë 16-vjeçare në 1975. Juria dha vendimin e saj në favor të paditëses Judy Huth dhe i dha asaj 500 000 dollarë.
