Javën e kaluar u bë e mundur arrestimi i muzikantit Sean Combs. Kjo pasi akuzohet për shantazh dhe trafik njerëzor. Mirëpo që pas asaj kohe, popullariteti i muzikantit Sean Combs, është rritur shumë.
Kompania e të dhënave të industrisë dhe analitikës Luminate tha se muzika e tij pa një rritje mesatare prej 18.3 për qind në platformat e transmetimeve të muzikës, sipas kërkesës gjatë javës së kaluar, pas arrestimit të 17 shtatorit.
Profesori i menaxhimit të biznesit muzikor të Kolegjit Berklee, George Howard, tha se ai nuk është i befasuar nga kjo rritje, sepse transmetimi është i ngjashëm me kërkimin e Google për artistë si një mënyrë për të kënaqur kuriozitetin.
“Muzika thjesht bëhet një pjesë tjetër e informacionit ndërsa njerëzit përpiqen të kuptojnë krimet. Shumë njerëz mendojnë, ‘Si tingëllon muzika e një njeriu që bën diçka të tillë?”, shpjegoi George Howard.
“Përveç kësaj, shumë njerëz mendojnë për P Diddy si një biznesmen dhe jo një muzikant, sepse ai ka punuar në projekte të tjera që nuk kanë të bëjnë me muzikën”.
