Regjisori Andrew Dominik ka folur së fundmi për kritikat ndaj filmit të Marilyn Monroe, ‘Blonde’. Regjisori tha se ishte vërtetë i kënaqur që filmi imagjinar i jetës së saj “inatosi kaq shumë njerëz” pas premierës në Netflix në shtator.
Tani ne po jetojmë në një kohë ku është e rëndësishme t’i paraqesim gratë si të fuqizuara. Ato duan të rishpikin Marilyn Monroe si një grua të fuqizuar. Kjo është ajo që ata duan të shohin dhe nëse nuk ua tregon këtë, kjo i mërzit ato gjë që është disi e çuditshme, sepse ajo ka vdekur. Filmi nuk bën ndonjë ndryshim në një mënyrë apo në një tjetër. Ajo që ata në të vërtetë duan të thonë është se filmi ka shfrytëzuar kujtesën e tyre për të, imazhin e tyre për të, gjë që është mjaft e drejtë. Por kjo është e gjithë ideja e filmit.
Bazuar në romanin e Joyce Carol Oates të vitit 2000, Blonde tregon Monroe gjatë gjithë jetës së saj, duke përfshirë ngritjen e saj në famë, disa nga momentet më tragjike dhe vdekjen në 1962. Filmi u shqyrtua për shfrytëzimin e traumës së Monroe me skena të tilla të trilluara. Një kritik e përshkroi filmin si një “fantazi e dhunshme që prezantohet si një biografi”.
Traileri për filmin e ardhshëm të Netflix “Blonde” shkaktoi reagime jo të mira. Pasi panë trailerin më 28 korrik, fansat kritikuan në mediat sociale drejtorët e kasting për theksin e De Armas në film. Shumë thanë se theksi i aktores kubane është shumë i rëndë dhe se ajo nuk tingëllon aspak si Monroe.
“A jam unë e vetmja që nuk habitem që Ana De Armas tingëllon keq në trailerin “Blonde?”-shkroi dikush në Twitter. “Theksi i saj është shumë i rëndë, do të duhej shumë që ajo të tingëllonte bindshëm si Marilyn.” “Unë mendoj se Ana de Armas është një aktore fantastike dhe duket e mrekullueshme si Marilyn, por unë ende dëgjoj theksin e saj në trailerin “Blonde” dhe kjo e nxjerr atë jashtë personazhit për mua,” -shkroi dikush tjetër.
