Vajzat e familjes Bryant kanë kaluar një verë shumë të ngarkuar. Vanessa dhe tre vajzat e saj shijuan një tjetër natë të pabesueshme të shtunën duke ndjekur turneun e Beyonce-s Renaissance. Në Instagramin e saj, Vanessa tregoi se sa shumë e shijuan shfaqjen duke ngarkuar gjithsej 6 postime në llogarinë e saj duke përfshirë foto, video, madje duke përfshirë edhe një foto me vetë ‘Queen B’.
Vanessa dokumentoi aventurën e tyre të koncertit për të gjithë 15.4 milionë fansat e saj në rrjetin social Instagram, duke treguar se si familja e shijoi shfaqjen e Beyonce. Vanessa nuk donte që askush të mungonte në koncert, ndaj shoqërohej në seksionin VIP nga vajzat Capri, Bianka dhe Natalia. Vanessa tregoi gjithashtu se si familja, e cila është e afërt me Carters, kaloi pak kohë me këngëtaren pas shfaqjes së saj. Në foton ku shfaqet Beyonce, ajo është duke u përqafuar me motrat më të vogla Bryant, Capri dhe Bianka. Në një postim tjetër që tregon se si familja e shijoi koncertin.
Theksojmë gjithashtu se Vanessa Bryant kujtoi bashkëshortin e saj të ndjerë Kobe Bryant teksa ndiqte koncertin e Taylor Swift në SoFi Stadium në mënyrën më të veçantë. Në një postim në Instagram Story, 41-vjeçarja ka shpërndarë një foto prekëse të një xhakete të cilën e ka veshur në koncertin e këngëtares. Xhaketa xhins ishte e stampuar veçanërisht me një foto të Kobe dhe artistes së hitit “Wildest Dreams”, e cila u shkrep në vitin 2015 kur Swift performoi në Staples Centre.
