Cristiano Ronaldo është rikthyer në terrenin stërvitor të Manchester United për herë të parë pas vdekjes tragjike të djalit të tij.
Superylli portugez dhe partnerja e tij Georgina Rodriguez konfirmuan lajmin tronditës të hënën, duke e përshkruar djalin e tyre të porsalindur si një “engjëll” ndërsa shtuan se vajza e tyre e vogël po u jepte të dyve forcë mes dhimbjes emocionale. Ronaldo më pas u largua nga udhëtimi i United në Liverpool të martën mbrëma, i cili përfundoi në një humbje 4-0 për skuadrën e Ralf Rangnick. United tha në një deklaratë para ndeshjes:
Familja është më e rëndësishme se gjithçka dhe Ronaldo po mbështet njerëzit e tij të dashur në këtë kohë jashtëzakonisht të vështirë. Si i tillë, ne mund të konfirmojmë se ai nuk do të luajë në ndeshjen kundër Liverpool në Anfield të martën në mbrëmje dhe ne nënvizojmë kërkesën e familjes për privatësi.
Superylli portugez dhe partnerja e tij bënë një deklaratë të përbashkët e cila u postua në rrjetet sociale të hënën në mbrëmje:
Me pikëllimin tonë më të thellë njoftojmë ndarjen nga jeta të djalit tonë. Është dhimbja më e madhe që çdo prind mund të ndjejë. Vetëm lindja e vogëlushes sonë na jep forcën për ta jetuar këtë moment me pak shpresë dhe lumturi.
