Eddie Murphy dhe Paige Butcher u martuan pas gjashtë vitesh fejesë. Sipas burimeve të afërta nga People, çifti shkëmbyen betimet e dashurisë dhe besnikërisë së përjetshme në një ceremoni private në Anguilla të martën, më 9 korrik.
Të pranishëm në ceremoninë e veçantë ishin vetëm të afërmit dhe miqtë e tyre të ngushtë. Nusja kishte zgjedhur një fustan mahnitës nga Mira Zwillinger, ndërsa aktori 63-vjeçar është shfaqur i veshur me një kostum të bardhë. Kjo ishte martesa e dytë për Murphy, i cili më parë ishte martuar me Nicole Mitchell Murphy.
Eddie Murphy and Paige Butcher Are Married! Inside Their Private Caribbean Wedding (Exclusive) https://t.co/0xIZZQuuvx
— People (@people) July 12, 2024
Çifti filloi lidhjen në vitin 2012 dhe mirëpriti fëmijën e tyre të parë, Izzy, në vitin 2016. Dy vjet më vonë, në vitin 2018, dy muaj pas fejesës së tyre, lindi fëmija i dytë, Max.
Murphy ka gjithsej dhjetë fëmijë. Përveç të dyve që ka me gruan e tij, ai është edhe prind i Eric, Christian, Miles Mitchell, Bria, Sain Audra, Bella Zara, Zola Ivy dhe Angel Iris.
