Së fundmi bëhet e ditur se Ricky Martin po kërkon kujdestarinë e përbashkët të dy fëmijëve të tij me bashkëshortin Jwan Yosef. Çifti njoftoi të enjten se ata e kishin vendosur t’i japin fund gjithçkaje pas gjashtë vitesh martesë por theksuan se ata janë ende mjaft të përkushtuar ndaj rritjes së përbashkët të fëmijëve të tyre.
Në kërkesën e divorcit të Martin të paraqitur të mërkurën, të siguruar nga People, ai kërkoi kujdestarinë e përbashkët të vajzës Lucia, 4, dhe djalit Renn, 3 vjeç. Martin, 51 vjeç, është gjithashtu babai i djemve binjakë 14-vjeçarë Matteo dhe Valentino, të cilët i mirëpriti përpara se të martohej me Yosef. Martin renditi “dallimet e papajtueshme” si arsyen e divorcit nga Yosef.
Sipas dokumenteve, Martin do t’i paguajë gjithashtu mbështetje bashkëshortore Yosef, si dhe tarifat e tij të avokatit. Ricky duhet “ende të përcaktojë natyrën dhe shtrirjen e plotë të aseteve dhe detyrimeve të pronave të veçanta të secilës palë” bazuar në paramartesën e tyre, shtoi gazeta. Nëpërmjet një deklarate në Instagram ata u shprehën se:
Ne kemi vendosur t’i japim fund martesës sonë me dashuri, respekt dhe dinjitet për fëmijët tanë dhe duke vlerësuar atë që kemi përjetuar si çift gjatë gjithë këtyre viteve të mrekullueshme. Dëshira jonë më e madhe tani është të vazhdojmë të kemi një dinamikë të shëndetshme familjare dhe një marrëdhënie të përqendruar në paqen dhe miqësinë për të vazhduar edukimin e përbashkët të fëmijëve tanë, duke ruajtur respektin dhe dashurinë që kemi për njëri-tjetrin.
Martin dhe Yosef përfunduan deklaratën e tyre:
Si gjithmonë, ne ju falënderojmë për gjithë dashurinë dhe mbështetjen që morëm gjatë gjithë martesës sonë. Ne jemi të bashkuar për të vijuar këtë kapitull të ri të jetës sonë.
Që kur u publikuan lajmet për ndarjen e tyre, është raportuar se dyshja ishin në një martesë të hapur, sipas Daily Mail.
“Si shumë çifte, Ricky dhe Jwan patën një marrëdhënie të hapur për pjesën më të madhe të martesës së tyre,” tha një burim i përshkruar si një mik i ngushtë i Martinit për gazetën.
Kjo funksionoi për ta, deri në një moment të cakutar. Në fund, ata vendosën se ishte më e mira për ta, për mirëqenien e tyre dhe për fëmijët e tyre.
