Studentët në Universitetin Shtetëror të Arizonës mund të studiojnë muzikën dhe jetën e Taylor Swift për kreditimin e kolegjit. Psikologjia e Taylor Swift po prezantohet këtë semestër në kampusin Tempe, Arizona. Kursi drejtohet nga studenjta e Ph.D. Alexandra Wormley, e cila shpreson të frymëzojë biseda kuptimplota që i çojnë studentët drejt koncepteve të avancuara të psikologjisë.
Kursi në thelb përdor Taylor Swift si një shembull të gjatë semestral të fenomeneve të ndryshme, thashetheme, marrëdhënie, hakmarrje. Klasa nuk është një seminar se sa e pëlqejmë apo nuk e pëlqejmë atë, ne duam të jemi në gjendje të mësojmë rreth psikologjisë.
Kursi filloi si një shaka, por shpejt u shndërrua në një mënyrë gjeniale për të studiuar fenomenet e psikologjisë sociale. Jo shumë kohë pas koncerteve të këngëtares së hitit “Lavender Haze” në Glendale, Arizona në mars, ndihmësit e saj hulumtues bënë shaka se do të donin të bënin një kurs për Swift. Wormley vijon të shpjegojë:
Më pëlqeu ideja dhe me shaka bëra një skicë të përafërt të asaj se si mund të dukej, sigurisht. E paraqita në departamentin tim dhe me sa duket atyre u pëlqeu.
Kursi do të organizohet njësoj si turneu i Swift “Eras Tour”, çdo javë do të fokusohet në një temë nga një prej albumeve të këngëtares. Wormley do ta lidhë kursin me një temë në psikologjinë sociale. Ajo shprehet:
Ne do të bëjmë zhytje të thellë në tema shumë specifike, në mënyrë që studentët të kenë një ekspertizë në secilën prej këtyre fushave deri në fund të çdo jave. Më duket shumë më tërheqëse kjo metodë e të mësuarit sesa kurset e anketave që duhet të mbulojnë çdo temë brenda një semestri.
Kur u pyet se si planifikon të ilustrojë temën e hakmarrjes, ajo tha:
Albumi i gjashtë i Taylor, “Reputation”, është rikthimi i saj pasi u zhduk nga qendra e vëmendjes për shkak të konflikteve me Kim Kardashian dhe Kanye West. Ajo bën hakmarrjen e saj ndaj tyre dhe peizazhit më të gjerë mediatik, duke publikuar një album jashtëzakonisht të suksesshëm së bashku me një turne në stadium.
Tema do t’i ndihmojë studentët të kuptojnë pse koncepti i hakmarrjes mund të jetë kaq i papërmbajtshëm. Alexandra vuri në dukje se kursi nuk do të jetë ‘një takim tre-orësh i klubit të fansave’ dhe ajo shpreson që dikush që nuk është një fans i këngëtares të marrë pjesë në kurs.
