Trashëgimtarja e njohur Paris Hilton ka zbuluar në një intervistë për revistën Glamour se ishte konsumuar lëndë narkotike dhe ishte përdhunuar në moshën 15-vjeçare nga një burrë i moshuar në Kaliforni. Sipas Hilton, ajo dhe miqtë e saj takuan me grup burrash të moshuar në qendrën tregtare Westfield Century City, të cilët i ftuan në shtëpinë e tyre dhe u ofruan pije të gazuara me verë. Ndonëse në atë moment ajo nuk pinte apo përdorte drogë, një nga burrat e detyroi ta pinte, pas së cilës ajo filloi të ndihej e trullosur.
Paris Hilton reveals she was roofied and raped at 15 by an older man https://t.co/MzRXDF3pT4 pic.twitter.com/s89G4yNiYA
— Page Six (@PageSix) February 23, 2023
Kjo përvojë e bëri atë të kalonte më shumë se dy vjet në disa programe të shtrenjta të përmirësimit të sjelljes, duke përfshirë shkollën Provo Canyon në Utah, ku, thotë ajo, u detyrua të merrte drogë dhe iu nënshtrua provimeve gjinekologjike gjatë natës. Hilton u shpreh se:
Isha një vajzë e vogël. Ndjej sikur më vodhën fëmijërinë.
Kjo përvojë ndikoi në vendimin e saj, së bashku me atë të bashkëshortit të saj Carter Reum, për të patur djalin e tyre të porsalindur, Phoenix Barron Hilton Hilton Reum, përmes një nëne surrogate. Përveç kësaj, Hilton foli edhe për abortin e saj në të 20-at, për të cilin “nuk donte të fliste sepse kishte shumë turp rreth kësaj” në atë kohë.
Isha fëmijë dhe nuk isha gati për këtë.
View this post on Instagram
Sipas të dhënave të zbuluara nga Organizata Botërore e Shëndetësisë, një në tre gra në mbarë botën ka pësuar dhunë seksuale ose fizike në një moment të jetës së saj. Kujtojmë gjithashtu se Paris Hilton në një intervistë të dhënë së fundmi është shprehur gjithashtu se mendonte se ishte aseksuale.
Pavarësisht se konsiderohesha si simbol seksi, çdo gjë seksuale më tmerronte. Unë e quajta veten ‘banditi i puthjes’ sepse më pëlqente vetëm të puthja. Shumë nga marrëdhëniet e mia nuk funksionuan për shkak të kësaj.
