Shërbimi Meteorologjik Ushtarak njofton se sot vendi ynë do të ndikohet nga kushte atmosferike të paqëndrueshme, si rezultat i masave ajrore relativisht të lagështa me origjinë perëndimore. Fillimisht, moti parashikohet i kthjellët në pjesën më të madhe të territorit. Më pas, nga mesdita e pasditja vijon mot me vranësira mesatare e të dendura.
Vranësirat pritet të pasohen me reshje shiu të vazhdueshme me intensitet të ulët në pjesën më të madhe të territorit. Hera-herës reshjet e shiut pritet të jenë në formën e shtrëngatave afatshkurtra, shoqëruar me shkarkesa elektrike e lokalisht breshër. Në orët e mbrëmjes pritet ndërprerja e reshjeve në pjesën më të madhe të territorit për t’u lokalizuar në veri të vendit. Aty shirat pritet të jenë me intensitet të ulët e hera-herës mesatar në formën e shtrëngatave, shoqëruar me shkarkesa elektrike e breshër.
Era do të fryjë me drejtim jug-juglindje e me shpejtësi mesatare 2-8 m/sek, ndërsa përgjatë vijës bregdetare e në lugina dhe në relievet e larta malore, era fiton shpejtësi e bëhet relativisht intensive 10-12 m/sek. Në mbrëmje, era fiton shpejtësi deri në 14-16 m/sek, shoqëruar me valëzim në dete të forcës 3-4 ballë.
Temperaturat parashikohen:
Shkodër
23/32
Diell re shi
Kukës
20/30
Diell re shi
Lezhë
23/31
Diell re shi
Dibër
18/30
Diell re shi
Durrës
23/31
Diell re shi
Tiranë
25/32
Diell re shi
Elbasan
24/33
Diell re shi
Berat
22/33
Diell re shi
Vlorë
22/30
Diell re shi
Korçë
17/30
Diell re shi
Gjirokastër
21/30
Diell re shi
Sarandë
22/33
Diell re shi
