Shërbimi Meteorologjik Ushtarak bën me ditur se ditën e sotme vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura e me intervale të herëpas’hershme me kthjellim. Ka prani të reshjeve të shiut me intensitet të ulët në pjesën e parë të ditës, kryesisht në pjesën veriperëndimore e në jugperëndim.
Më pas, reshjet shtrihen gradualisht në pjesën më të madhe të territorit, ku në veriperëndim e jug, si dhe pjesërisht në qendër të territorit, herë pas here, shirat do të jenë me intensitet deri mesatar në formën e shtrëngatave afatshkurtra, shoqëruar me shkarkesa elektrike.
Mjegull/mjegullinë e shikim i reduktuar kryesisht në zonat luginore në orët e mëngjesit, si dhe në momentin e reshjeve. Era parashikohet të fryjë me drejtim juglindje-jugperëndim e me shpejtësi mesatare 2-8 m/sek ndërsa përgjatë vijës bregdetare dhe zonat luginore, nga orët e mesditës e pasdite, era fiton shpejtësi 10-14 m/sek, shoqëruar me valëzimin në dete të forcës 1-3 ballë.
Temperaturat parashikohen:
Shkodër
6/18
Re shi
Kukës
2/16
Diell re shi
Lezhë
5/16
Re shi
Dibër
1/17
Diell re shi
Durrës
7/19
Re shi
Tiranë
10/20
Re shi
Elbasan
9/20
Diell re shi
Berat
6/20
Diell re shi
Vlorë
8/20
Diell re
Korçë
3/13
Re shi
Gjirokastër
2/19
Re shi
Sarandë
9/20
Re shi
