Një djalë tre vjeçar është sulmuar nga një panterë në një cirk në Rusi, pasi babai i tij i bindi miqtë që ta lironin kafshën nga kafazi. Fëmija i tmerruar ka pësuar plagë të rënda në fytyrë, kokë, shpinë dhe këmbë. Djali, i quajtur Vova, ishte marrë nga babai i tij për të parë kafshët e cirkut në një ditë kur nuk kishte asnjë shfaqje në Angarsk, Rusia jugore-qendrore. Ai po pozonte me një panterë në cirkun Wild Drive kur bisha e sulmoi papritur.
Vogëlushi u dërgua me urgjencë në spital ku kishte nevojë për qepje për plagë të shumta dhe u mbajt për vëzhgim mes frikës nga rreziku i tërbimit. Fotot zbuluan se ai pësoi plagë të tmerrshme në kokë dhe fytyrë dhe kishte nevojë për disa qepje. Nëna e djalit Svetlana tha se ish-burri i saj e kishte marrë fëmijën nga çerdhja dhe e kishte çuar në cirk. ‘Nuk kam qenë në dijeni për këtë. Natyrisht, nuk do ta lija fëmijën të shkonte. Me sa kuptoj unë, ai ka miq atje në cirk. Ata e lëshuan panterën nga kafazi dhe ai sulmoi djalin tim. Ai po qante, koka e tij ishte e mbuluar me gjak, kishte gjak përreth.
Nëna ka denoncuar cirkun. Aktet e cirkut përfshijnë gjimnastët ajrore, kafshët ekzotike, iluzionistët, marifetet e motoçikletave dhe kllounët së bashku me kafshët, duke përfshirë krokodilët. Por një përfaqësues tha se ata nuk kishin një panterë në performancën e tyre. Megjithatë, raportet e mediave thanë se pantera i përkiste një prej interpretuesve të cirkut dhe iu tregua djalit kur babai i tij e mori për të parë kafshët. Një çështje penale është hapur kundër cirkut nga Komiteti Hetimor Rus. Nëse dënohet, pronari i panterës mund të përballet me deri në gjashtë vjet burg për neglizhencë që përfshin një fëmijë.
