Kohëve të fundit autorja Olsa Muhameti na kishte treguar se së shpejti duhet të presim prej saj një program bombë, i cili do të titullohej “Kepi i Tundimeve” dhe do të fillonte këtë muaj, ku do të përmbante vetëm 10 episode, por ndryshe nga programet e tjera që jemi mësuar të shikojmë, ky program nuk do të ketë prezantues.
Programi filloi dhe episodet e para u transmetuan, duke i lënë të gjithë gojëhapur nga ky format. ‘Kepi i Tundimeve’ është programi më i ri që ka nisur në Top Channel dhe transmetohet çdo të premte në orën 21:00. 10 konkurrentë, të rinj, seksi, aventurierë, do t’ju duhet të bashkëjetojnë në një vilë ku nuk do të mungojnë sfidat, lojërat dhe tundimet padyshim. Mirëpo, mes tyre nuk duhet të marrëdhënie intime apo puthje pasi buxheti i tyre do të ulet.
Nga ana tjetër Olsa, ka paralajmëruar dhe fillimin e ‘Për’Puthen’, teksa është konfirmuar tanimë se prezantuesja e këtij sezoni të ri do të jetë Ori Nebijaj. E vetëm pak minuta më parë u zbulua dhe opinionisti i këtij sezoni, i cili do të vazhdojë të jetë ‘miku i vjetër’ i programit, Arjan Konomi. Këtë e ka bërë me dije vetë ky i fundit me anë të një postimi në llogarinë e tij në Instagram ku krahas shkruan:
Nis pas pak, në orën 18:10 në Top Channel sezoni i ri i ‘Për’Puthen’. Na ndiqni pasi ky edicion vjen me shumë risi…. Duroni dhe pak minuta për t’i zbuluar të gjitha!
Është përfolur se disa nga konkurrentët e ‘Kepit të Tundimeve’ mund të jenë pjesë e sezonit të ri të programit të dashurisë. Duket se dhe autorja po e mendon këtë gjë pasi ka pyet ndjekësit e saj me anë të një ‘Ask-u’ në llogarinë e saj në Instagram nëse duan t’i shohin sërish në ekran.
