Çmimi Oscars për skenarin origjinal shkon për “Anatomy of a Fall”. Në filmin e Justine Triet, që ka pesë nominime për Oscars, luan Sandra Hüller si një shkrimtare e suksesshme që përpiqet të provojë pafajësinë e saj në vdekjen e burrit të saj, pas rënies së tij fatale nga një dritare në shtëpinë e tyre në Alpet Franceze.
Pasi u akuzua për vrasje, ajo protestoi për pafajësinë e saj, duke këmbëngulur se ishte vetëvrasje. Çështja gjyqësore që pasoi vendos martesën e tyre dhe marrëdhënien e saj me djalin në ‘lupën’ e drejtësisë.
Më shumë rreth filmit: Skenari i Triet-it është po aq gjykimi i një martese sa edhe ndjekja penale e një krimi. Personazhi i Hüller-it Sandra Voyter është një romanciere e suksesshme gjermane, burri francez i së cilës Samuel, me të drejtë ose pa të drejtë, beson se ai po jeton nën hijen e saj. Një ditë ai u gjet i vdekur në dëborë nën ballkonin e shtëpisë së tyre alpine nga djali i tyre Daniel, i cili është i verbër.
Një autopsi jopërfundimtare rezulton në një gjyq, ku mungesa e provave nga skena e dyshuar e krimit krijon një boshllëk që prokurorët mbushin duke ndarë martesën e tyre në kërkim të motivit.
