Këngëtarja e njohur, Olivia Rodrigo, ka ndarë një përvojë të pazakontë që përjetoi në kufirin kanadez pas koncerteve të saj në fillim të këtij viti. Gjatë një interviste në emisionin “The Tonight Show” me Jimmy Fallon, ajo zbuloi se u ndalua për gjysmë ore nga policia, e cila mendoi se ajo ishte një person tjetër që i ngjante asaj.
Rodrigo tregoi se ishte duke kaluar nga Kanadaja për në Portland dhe, pas dorëzimit të pasaportës, oficerët e kufirit kërkuan emrin e saj. Ajo mendoi se ndoshta ata donin një autograf, por gjërat morën një kthesë të papritur kur e çuan në një dhomë të hetimit.
Një polic më pyeti nëse isha arrestuar ndonjëherë
– tha ajo, duke shprehur tronditjen që ndjeu në atë moment. Ajo siguroi oficerin se nuk kishte pasur ndonjë problem me ligjin, por ai vazhdoi të dyshonte.
Pas 30 minutash pyetje, policia e informoi se kishte një vajzë me emrin Olivia Rodriguez, e cila i ngjante asaj dhe kishte pasur probleme me ligjin. Në atë pikë, Rodrigo kuptoi se ishte ngatërruar me dikë tjetër. Ajo e shprehu zemërimin e saj për situatën, duke theksuar se ishte një përvojë e papritur dhe shqetësuese.
