Caitlyn Jenner ka treguar së fundmi disa nga të pathënat e martesës së Kim Kardashian dhe Kanye West. 72-vjeçarja, tha në “The Pivot Podcast” se:
Ai ishte shumë i vështirë për të bashkëjetuar.
Jenner theksoi, megjithatë, se West kishte qenë në anën e saj kur ajo ndërroi gjini në 2015-ën, por ajo ende e konsideron reperin miliarder një djalë shumë të komplikuar.
Në fakt, unë jam shumë e dashuruar me Pete dhe Kim-in tani. Ne kemi një humorist në familje. Epo, nuk kemi nevojë për më shumë reperë. Ne kemi nevojë për një humorist në familje.
Jenner tha se Kim së fundmi solli Pete në shtëpinë e saj në Malibu për ta prezantuar me të dhe ai mori vulën e miratimit nga ana e saj.
Pete është shumë ndryshe nga ata me të cilët ka dalë Kim normalisht. Pete është 180 gradë në drejtimin tjetër. Para së gjithash, ai e trajton atë aq mirë dhe kur ata ishin këtu Kim ishte kaq e lumtur dhe ajo meriton të jetë e lumtur.
Rikujtojmë se Kardashian filloi të takohej me Davidson në tetor 2021, ende pa u finalizuar divorci i saj nga West. Kim, së fundmi e përshkroi Pete si ‘i vetmi’ dhe madje la të kuptohet se do të krijonte një familje me të. Pete nga ana tjetër konfirmoi se do të largohet nga “Saturday Night Live” pas tetë sezonesh. Pete aktualisht është i përfshirë në një sërë projektesh, duke përfshirë një film biografik për Joey Ramones dhe një komedi romantike.
Ndërkaq, Kim është kritikuar nga fansat për lejimin e vajzës së saj të vogël të veshë një korse ndërsa ishte jashtë në Itali, mes festimeve në lidhje me dasmën e Kourtney me Travis Barker. Janë shfaqur fotografi që tregojnë North të veshur me një korse me ngjyrë rozë të çelur, streçe me stampa me lëkurë gjarpëri dhe një pallto verore të tejdukshme.
