Këngëtarja legjendare Cher, tregon se nuk ka qenë asnjëherë adhuruese e muzikës së saj. “Unë nuk jam një fanse e Cher, por më pëlqen ta bëj këtë”,-tha ajo për revistën Paper në një intervistë të fundit.
Nuk më ka pëlqyer kurrë zëri im.
Fituesja e “Grammy” vazhdoi duke shpjeguar se ajo mendon se toni i zërit të saj është i çuditshëm.
Nuk tingëllon si burrë, nuk tingëllon si grua. Unë jam diku më në mes. Kam këtë stil të çuditshëm. Unë nuk e shqiptoj R-në time. Mendoj se disa bashkëtingëllore janë të vështira për t’u kënduar, kështu që më duhet t’i lë të hapura.
Pavarësisht karrierës prej dekadash në krye të top-listave, 77-vjeçarja shtoi se ajo nuk është ndjerë gjithmonë e kënaqur me shumë nga rekordet e saj të njohura.
Kam bërë kaq shumë albume dhe disa nga ato që mendoja se ishin aq të mira sa mund të pëlqeja një album timin nuk ishin hite. Dhe pastaj të tjera për të cilat nuk isha aq e emocionuar.
Rikujtojmë, se Cher do të përballet me akuza të rënda në gjykatë, pasi ndaj saj është ngritur një padi. 77-vjeçarja dyshohet se ka organizuar rrëmbimin e djalit të saj në vitin 2022. Daily Mail publikoi dokumente gjyqësore për incidentin që ndodhi në nëntor të një viti më parë, kur Elijah Blue Allman, djali i yllit të madh dhe Mariangela King aka Queenie nga grupi rock KING u përpoqën të shpëtonin martesën e tyre.
