Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.
Dinamikat në shtëpinë e “Big Brother VIP” ndryshojnë në çdo moment. Mes banorëve kanë lindur pëlqimet, ngacmimet si edhe çiftet e para. Debate të shumta ka pasur mes tyre, teksa janë ndarë edhe në grupe. Kutia e parë e Pandorës në këtë sezon, u bë një tjetër shkak debati, teksa Graciano çoi direkt në nominim Heidin, Lisin dhe Romeon.
Ky nominim ‘ka ndezur gjakrat’ në “BBV3”, me Romeon shumë të nxehur teksa është ndjerë i shenjëstruar me këtë nominim. Çfarë do i ngelë atij peng po doli?! Ja si u shpreh banori.
Që nuk kryqëzova Gracianon. Duhet ta pranoj, unë këto ditë kam qenë i përhumbur, por ndonjëherë kur përhumbesh për njerëzit e tu s’ka asnjë gjë të keqe. Kështu që mos kini frikë dhe kur jeni kështu.
