Boksierja bullgare, Joana Nwamerue, e cila u përball me kampionen olimpike të sapoemëruar Imane Khelif, pretendon se algjeriania është burrë. Shumë e akuzuan Khelif si transgjinore, megjithëse biologjikisht është grua, por sipas kreut të Federatës Ndërkombëtare të Boksit (IBA), ajo ka testosterone të larta dhe kromozome mashkullore XY.
Federata Ndërkombëtare e Boksit (IBA) e pezulloi atë, por Komiteti Olimpik Ndërkombëtar mori një vendim tjetër dhe lejoi Khelif të garonte në Paris. Nwamerue, i cili u ndesh me Khelif, është gjithashtu e sigurt se ajo është një burrë:
Khelif ka disa probleme të brendshme, por është burrë. Unë do t’i qëndroj fjalëve të mia derisa të bëjë një test për t’i vërtetuar botës se është një grua. Por, ne të gjithë e dimë se kjo nuk do të ndodhë. Mund të konfirmoj që Khelif është një burrë, nga teknika mashkullore, fuqia dhe gjithçka tjetër.
Nwamerue tha se nuk e besonte teorinë se Khelif ishte “ndryshuar biologjikisht” duke jetuar në vargmalet malore të Algjerisë, në vendin e saj të lindjes:
Më erdhën kolegët e saj dhe më thanë që ajo nuk është burrë, më thanë se është grua dhe se thjesht jeton lart në mal me të afërmit dhe prindërit e saj, për shkak të së cilës mund të ketë ndryshim në testosterone ose kromozome dhe gjëra të ngjashme.
Rikujtojmë se, boksierja algjeriane Imane Khelif ngriti një padi në Francë për shkak të abuzimit që përjetoi në rrjetet sociale gjatë Lojërave Olimpike në Paris. Khelif fitoi medaljen e artë olimpike në Paris në kategorinë deri në 66 kilogramë, por betejat që ajo zhvilloi në ring ishin të lehta në krahasim me ato që zhvilloi jashtë ringut.
Ajo është kritikuar për faktin se ishte një ‘burrë’ pasi Federata Ndërkombëtare e Boksit (IBA) e përjashtoi nga Kampionati Botëror i vitit 2023 dhe e ndaloi nga Lojërat Olimpike. Megjithatë, ajo u shfaq në Paris sepse Komiteti Olimpik Ndërkombëtar (IOC) ndërpreu bashkëpunimin me IBA dhe e lejoi atë të ndeshej në kompeticionin më të madh sportiv në botë. Avokati i saj Nabil Boudi njoftoi se Khelif ka paraqitur një ankesë ligjore në Francë për abuzim dhe ngacmim në rrjetet sociale.
