Tensione dhe kaos në Kuvend!
Kuvendi ka mbyllur të gjitha dyert për të mos lejuar hyrjen brenda të 24 deputetëve të përjashtuar nga Sekretariati i Etikës si masë ndëshkimore për kaosin dhe djegien e karrigeve në seancën e 30 shtatorit. Ndërkohë deputetët e PD-së po përpiqen të bllokojnë hyrjen edhe të deputetëve socialistë.
Pas përjashtimit nga seancat plenare, opozitarët kanë shkuar 75 minuta më herët se të filloj seanca sot, teksa u gjendën përpara gardës që nuk lejoi futjen e tyre ne sallë.
Më pas ata janë vendosur në të gjitha pikat e hyrjeve në parlament për të mos lejuar futjen e deputetëve socialistë në sallë për zhvillimin e seancës.
Deputeti Flamur Noka është përplasur me deputetin e PS-së Frrok Gjini, i cili ka thënë se gjallë a vdekur do hyjë në parlament.
Në një moment deputeti Frrok Gjini ka tentuar të futet ne Kuvend, por nuk e kanë lejuar. Ai dëgjohet të thotë në debat me Flamur Nokën: Nuk ka bir k*** që më ndalon të hyj në Parlament, tha Gjini.
Frrok Gjini: Mos më prek me dorë,
Falmur Noka: Hajde me mua
Frrok Gjini: O Flamur mos me prek me dorë
Flamur Noka: Kam dy orë që nuk me lënë mua
