Endri Prifti dhe gazetarja Ola Bruko janë tani zyrtarisht një çift, duke i dhënë fund spekulimeve të vazhdueshme rreth lidhjes së tyre. Pas një periudhe të gjatë përflitjeje në media dhe në rrjetet sociale, ata kanë vendosur të zyrtarizojnë romancën e tyre.
Këngëtari Endri Prifti ka ndarë një foto në Instagram ku konfirmon lidhjen e tij me moderatoren Ola Bruko. Në postim, ai shkruan:
Një javë të bukur, me shëndet e shumë dashuri ju urojmë të gjithëve, e di që është e martë
– dhe e ka etiketuar Ola Brukon, duke e bërë të qartë lidhjen e tyre. Përgjigja e Ola Brukos në këtë postim ka qenë e ngrohtë dhe plot dashuri, duke përdorur simbole që shprehnin ndjenjat e saj.
View this post on Instagram
Mikeshë e çiftit, këngëtarja Eli Fara, ka qenë e para që ka komentuar postimin, duke shprehur simpatinë e saj për lidhjen e tyre dhe duke i uruar çiftit lumturi dhe dashuri.
Spekulimet për lidhjen e tyre filluan verën e kaluar dhe janë përforcuar gjatë emisionit “Dola te Ola,” ku Endri Prifti dhe vëllezërit e tij ishin jo vetëm këngëtarë, por edhe bashkëprezantues me gazetaren Ola Bruko. Ky ishte një periudhë e rëndësishme për të dy, që çoi në zhvillimin e një lidhjeje më të thellë dhe më personale.
Ola Bruko ka qenë më parë e martuar dhe ka dy fëmijë nga lidhja e saj e kaluar, ndërsa Endri Prifti ka qenë për një kohë të gjatë single. Tani, ata kanë vendosur të hapin një kapitull të ri së bashku, dhe kjo ka qenë një lajm i pritur dhe i mirëpritur nga miqtë dhe ndjekësit e tyre.
