Lionel Messi, “yll” i Inter Miamit dhe Argjentinës, në një intervistë për “Infobae” u ndal në kritikat e shumta që mori në vendlindjen e tij para se të fitonte Kupën e Amerikës dhe Kupën e Botës:
“Diçka që ndodh vetëm në Argjentinë. Grupi ynë është kritikuar ashpër kur nuk fitonte torfe. Edhe kur kemi arritur në finale jemi sulmuar. Ishte diçka e bukur të luaja në finalen e Kupës së Botës, në finalen e Kupës së Amerikës dy herë radhazi dhe për trajtimin që ka pasur ajo gjeneratë.
E vërteta është se unë kam qenë gjithmonë indiferent ndaj çdo gjëje edhe kur jam ndier keq për shkak të shumë gjërave që janë thënë… sidomos jashtë futbollit. Ose kur shumë gjëra, nëse jo të gjitha, ishin gënjeshtra. Kishin për qëllim vetëm të shkaktonin dëm.”
Çfarë ndjeni kur shihni fëmijët tuaj duke luajtur futboll?
“Është spektakolare. Ne kalojmë shumë kohë në klub, ata stërviten tri ose katër herë në javë. Ne ndajmë gjithçka si një familje. Thiago dhe Mateo marrin udhëzimet e mia në lidhje me ndeshjet. Ata janë shumë të ndryshëm. Nuk mund të flas Për Thiagon, nuk mund t’i them asgjë, sepse ai reagon në një mënyrë dhe Mateo në të kundërtën, sepse ai kërkon brohoritje nga tribuna, por unë nuk jam tipi që të flas shumë me ta ose diçka të tillë.
Kush është skuadra më e mirë në botë sot?
Ekipi më i mirë, nëse duhet ta themi, është Reali i Madridit, sepse fitoi Championsin. Nëse flasim për rezultate, është Reali, nëse flasim për lojën, personalisht më pëlqen City i Guardiolës dhe mendoj se çdo ekip në të cilin do të jetë Guardiola, do të jetë si veçantë për mënyrën se si stërvitet dhe punon.
A do të marrësh pjesë edhe në Botërorin 2026?
Kjo do të varet nga mënyra se si ndihem, si do të jem fizikisht. Pra, dua të jem realist me veten time. Do të luaj në Botërorin 2026 vetëm nëse jam në lartësinë e detyrës, nëse mund t’i ndihmoj shokët e kombëtares”.
Çfarë do të thotë për ju fitimi i Botërorit të fundit në Katar?
Jeta vazhdon. Tani kemi një sfidë tjetër me kombëtaren, duam të fitojmë ‘Copa América’. Duke qenë kampion i botës më bëri të plotësuar, sepse arrita gjithçka.
Si e keni përballuar presionin e madh që ekziston në majat e futbollit?
E vërteta është se kur isha në Barcelonë, shumë kohë më parë, pata nevojë për psikolog. Shkova, nuk e kisha provuar kurrë, isha shumë ngurrues për të gjitha këto. Nuk më pëlqente. Unë jam një person që e mbaj gjithçka brenda, edhe të mirën, edhe të keqen. Kur shkova të psikologu ishte shumë mirë për mua, më ka pëlqyer shumë, më ka ndihmuar shumë.
