Ndarja e çiftit të njohur, Bes Kallaku dhe Xhensila Myrtezaj, është prej kohësh në qendër të vëmendjes. Burime nga gjykata e Tiranës bëjnë me dije detaje të tjera nga padia e këngëtares, e cila jo vetëm kërkon që divorci të kryhet pa faj, por gjithashtu kërkon lënie për edukim dhe rritje të fëmijëve si edhe pension ushqimor prej 150 mijë lekë të vjetra për dy të miturit.
Ditën e djeshme vajza e tyre Ajka festoi ditëlindjen dhe të dy bënë nga një urim special për të në rrjete sociale, ama Xhensila nuk i ka kursyer ‘thumbat’ për Besin dhe rolin e tij si baba. Më pas Xhensila i ka habitur të gjithë me një postim në rrjetet sociale, ku ka postuar në “Instastory” një foto të ish-vjehrrës së saj, nënës së Besit, krah vajzës së saj Ajkës. Duket se ditëlindja e vajzës ka bashkuar Xhensilën me familjen e Besit, me të cilin është në proces divorci.
Pas ndarjes të dy kanë publikuar këngë të reja, të cilat janë marrë si dedikim për njëri-tjetrin e duket se nuk mbaron me kaq. Pas zhurmës së madhe mediatike dhe problemeve gjyqësore që kanë pasur me divorcin e tyre, Xhensila ka vazhduar të punojë për projekte të reja muzikore. Vetëm pak më parë këngëtarja ka publikuar pak nga kënga e saj e re, e cila nga teksti i këngës duket se i dedikohet një historie dashurie që ka përfunduar në ndarje, e cila është marrë përsëri nga ndjekësit si dedikim për Bes Kallakun.
