Ylli televiziv Kim Kardashian zbuloi për miliona ndjekësit e saj në rrjete sociale se po përballet me një periudhë vërtet të dhimbshme të sëmundjes së lëkurës, e cila shkakton një skuqje me njolla kruajtëse. “Sa e çmendur është psoriaza ime tani njerëz”,-tha Kim teksa shfaqi një pjesë të skuqur të këmbës. “Nuk e di se çfarë po ndodh, por duhet ta kuptoj këtë… kjo është çmenduri”.
43-vjeçarja vuri në dukje se nuk është e sigurt se çfarë e shkaktoi shpërthimin pasi ajo nuk e ka ndryshuar dietën e saj kohët e fundit gjë që ishte shkaku i një tjetër prej shpërthimeve të saj të mëdha në 2022.
“Kam provuar gjithçka. Psoriaza dhemb”.-shtoi Kardashian. Në një video të veçantë të postuar në InstaStory, Kardashian shpjegoi se ndërsa zakonisht ka një njollë të vogël në këmbë, ajo thotë se skuqja po rritet. “Por tani mund të them se po shkon poshtë këmbës sime dhe lart këmbës sime dhe deri në kofshë. Unë thjesht e di se është koha për ta kuptuar këtë”. Kim ka qenë e hapur për psoriazën e saj prej vitesh, duke e dokumentuar shpeshherë në rrjetet sociale.
Ndërkaq, rikujtojmë se Kim është vendosur të jetë producente ekzekutive dhe të luajë në një serial dokumentar të ardhshëm për Elizabeth Taylor. Dokumentari me tre pjesë, me titullin “Elizabeth Taylor: Rebel Superstar” vjen nga kompania e prodhimit fitues të ‘Oscar’-it, Passion Pictures. Seria e dokumentarëve do të shikojë aftësitë e aktrimit të Elizabeth, të cilat ajo i përdori për të hipnotizuar shikuesit, përpara se të bëhej një biznesmene dhe aktiviste shumë miliarda dollarëshe.
