Studimet kanë zbuluar se njerëzit që fillojnë dekorimin për Krishtlindje më herët mund të përjetojnë një rritje të humorit dhe lumturisë. Kjo ndodh për shkak të ndikimit pozitiv që ka rikthimi i kujtimeve të bukura nga fëmijëria dhe festat e kaluara.
Dekorimet festive stimulojnë nostalgjinë, e cila shpesh është e lidhur me emocione ngushëlluese, melankoli dhe përjetim emocionesh të forta.
Dritat dhe dekorimet arrijnë të krijojnë një atmosferë festive që mund të sjellë ndjenja gëzimi dhe ekzaltimi, duke përmirësuar mirëqenien emocionale të individëve.
Po ashtu, dekorimi i shtëpisë herët mund të inkurajojë bashkëpunimin dhe ndarjen e gëzimit me miqtë, fqinjët apo dhe komunitetin, duke forcuar kështu lidhjet shoqërore.
Një tjetër e mirë është ulja e stresit, pasi përgatitjet e hershme ndihmojnë në shmangien e ngarkesës së minutës së fundit dhe ofrojnë një ndjenjë kontrolli mbi detyrat festive.
Psikologët theksojnë se dekorimi i shtëpisë krijon një energji pozitive dhe ndihmon në rritjen e emocionit për festat që po afrohen, duke shpërqendruar njerëzit nga rutina dhe i ndihmuar ata të fokusohen në diçka të bukur dhe të gëzueshme.
Nëse kjo ide ju inspiron dhe dëshironi të kaloni disa orë të mbushura me gëzim, mund të filloni dekorimin dhe të përjetoni më herët shpirtin festiv!
