Aktori Will Smith ka realizuar role të shkëlqyera në filma të shumtë, por për një arsye ai mund të kishte mbetur pa një ndër rolet me të cilat njihet më së miri. Megjithëse Will Smith ishte një yll i madh në vitet 1990 për shkak të karrierës së tij muzikore dhe rolit të tij në serialin “The Fresh Prince of Bel Air”, një nga rolet e tij më domethënëse ishte në filmin e Roland Emmerich të vitit 1996.
Bëhet fjalë për filmin “Independance Day”, i cili pavarësisht vlerësimeve të këqija të kritikës së filmit, falë audiencës u shndërrua në një nga filmat më të suksesshëm të viteve ’90. Disa kritikë e përshkruan filmin se kishte “melodramë të tepruar, një skenar të dobët dhe një rrjedhë ngjarjesh të ngathëta si të metat e tij kryesore”, dhe disa argumentuan se ai përdorte efekte vizuale për të mbuluar se sa e dobët ishte historia e pushtimit të alienëve.
Sidoqoftë, Smith mund ta humbte këtë rol për shkak të racizmit. Siç raporton ‘Hollywood Reporter’, drejtuesit e studios së Fox Century nuk kanë menduar se një aktor me origjinë afro-amerikane do të tërhiqte shikuesit ndërkombëtarë. Përpara se Will të merrte rolin e kapitenit Steven Hiller, Emmerich konsideronte aktorë të tjerë. Njëri prej tyre ishte Ethan Hawke, por aktori deklaroi se në fund e hodhi poshtë skenarin sepse e kishte të tmerrshëm. Megjithatë, regjisori Emmerich pretendon se Ethan Hawke ishte shumë i ri për këtë rol.
Ethan Hawke ishte gjithashtu në listën tonë, por në atë kohë mendova se ai ishte shumë i ri. Ishte shumë e qartë se duhej të ishin Will Smith dhe Jeff Goldblum. Ky ishte kombinimi që menduam. Studio tha: “Jo, ne nuk mendojmë kështu për Will Smith. Ai nuk punon në tregjet ndërkombëtare”.
Fox Century mendonte se Smith nuk do të ishte fitimprurës sepse ai nuk ishte i bardhë, por Emmerich ishte aq i vendosur sa kërcënoi të largohej nga sheshxhirimi nëse Smith nuk lejohej të luante rolin kryesor. Ai mendonte se Smith dhe Goldblum kishin kimi të shkëlqyer dhe i pëlqente prania e pamohueshme dhe e provuar mirë e Smith në ekran.
