Së fundmi është zbuluar në Antarktidë një ekosistem i lashtë, unik në llojin e tij, i fshehur nën sipërfaqen e akullit. Ai është gjetur në kripërat e akullnajës Boulder Clay, pranë stacionit shkencor italian Mario Zucchelli dhe karakterizohet nga kërpudha dhe baktere që kanë rëndësi të madhe për kërkimin e formave të jetës në planetë të akullt si Urani dhe Neptuni.
Studimi i publikuar në revistën “Scientific Reports”, ka bërë të mundur identifikimin në zonën e akullnajave të Boulder Clay, të cilat për shkak të diversitetit të tyre mikrobik dhe gjeokimik përcaktojnë një habitat unik në krahasim me kripën e studiuar deri më tani në atë zonë. Studiuesit u shprehën se:
Kjo shumëllojshmëri mikroorganizmash është pasojë e mundshme e një përqendrimi progresiv të ujit të detit në masat e akullit, i cili tashmë filloi të ndodhte në kohë të largëta. Në këto habitate të veçanta, përmbajtja e lartë e kripës në akull bën që shëllira të mbetet në gjendje të lëngshme.
Kjo sipas ekspertëve çon në hipotezën se mund të ketë edhe krio-ekosisteme të ngjashme në zona të tjera tokësore ku janë të pranishme akullnajat. Rikujtojmë se një ekip ndërkombëtar studiuesish kanë zbuluar pesë meteorë të rinj në Antarktidë, duke përfshirë një nga më të mëdhenjtë të gjetur ndonjëherë në kontinent.
Meteori i rrallë është sa një pjepër, peshon 7.7 kilogramë dhe është dërguar në Institutin Mbretëror të Shkencave të Natyrës në Bruksel. Ndërkaq, një ajsberg, 15 herë më i madh se Parisi, është shkëputur së fundmi nga Antarktida. Ky fenomen nuk është për shkak të ndryshimeve klimatike, megjithëse rajoni kërcënohet nga ngrohja globale, sipas Anketimit Britanik të Antarktidës (BAS).
