Pothuajse një e katërta e të rinjve janë përballur me depresion dhe ankth dhe gjysma i drejtohen një profesionisti për një lloj mbështetje psikologjike. Kjo një sondazhi kombëtar mbi jetën dhe zakonet shëndetësore të 20-vjeçarëve të kryer nga latforma e kompanisë Galenika. Si periudha të ankthit intensiv, të rinjtë përmendën situatat kur duhet të marrin vendime të rëndësishme për jetën, si regjistrimi në universitete dhe si problem tjetër psikologjik, rraskapitja dhe problemet me përqendrimin, veçanërisht gjatë periudhave të provimeve, të cilat më së shumti zgjidhen me pirjen e kafesë ose pijeve energjike.
Sondazhi tregoi se një e katërta e të rinjve mendojnë se kujdesen për shëndetin e tyre, ndërsa gati dy herë më shumë prej tyre deklaruan se përpiqen të përmirësojnë zakonet e tyre. Shumica e të anketuarve kanë ndryshuar stilin e jetës vitin e kaluar. Ata theksojnë se lëvizin më shumë, kujdesen më shumë për dietën e tyre, merren më shpesh me sport ose aktivitet fizik dhe konsumojnë më pak alkool. Hulumtimi është kryer nga janari deri në shkurt në një kampion prej 600 të anketuarve. Depresioni mund të kontribuojë në humbjen e kujtesës dhe anasjelltas, sipas studiuesve që studiuan rreth 8200 britanikë gjatë dy dekadave.
Ekipi zbuloi se një ndryshim linear në simptomat depresive kontribuoi në humbjen e përshpejtuar të kujtesës në grupin e studimit, i cili përbëhej nga njerëz të moshës 50 vjeç e lart, me një moshë mesatare 64 vjeç. Pjesëmarrësit u anketuan çdo vit midis 2002 dhe 2019, duke përdorur masa të tilla si testet e kujtesës si dhe një format vlerësimi të simptomave të depresionit të ofruar nga Qendra për Studime Epidemiologjike.
Por nuk është vetëm depresioni që ndikon në kujtesën, duket se është edhe e kundërta, thonë studiuesit në një punim të botuar nga Shoqata Mjekësore Amerikane. “Një ndryshim më i shpejtë në kujtesë është gjithashtu i lidhur reciprokisht me një ndryshim më të shpejtë të simptomave të depresionit me kalimin e kohës,”-sipas një ekipi britaniko-amerikan shkencëtarësh dhe mjekësh nga University College London, University of Rochester Medical Center dhe Brighton and Sussex Medical School.
