Me siguri ju ka ndodhur që të keni pasur oreks për ushqime të tharta. Nuk është e pazakontë kur te dikush pas shumë vitesh papritmas shfaqet një dëshirë e fortë për ushqim të kripur ose ushqim pikant. Mirëpo, ka edhe të tillë që, po ashtu papritmas, me kënaqësi kanë filluar të hanë lakra turshi, apo të shtrydhin limon në ushqimet e tyre.
Çfarë do të thotë kur ju pëlqen të hani diçka të thartë? Për ushqim të thartë ka nevojë personi i cili ka sekretim të pamjaftueshëm të acidit klorhidrik në stomak prandaj përpiqet t’ia lehtësojë vetes tretjen e ushqimit.
Nëse personi ka dëshirë të hajë diçka të thartë si limon, është pasojë e nevojës fiziologjike që të ulë acidin me limon, për të reduktuar aciditetin duke alkalizuar lëngjet gastrike. Por nga kjo, natyrisht, nuk do të ketë përfitime ezofagu. Gjithashtu nevojë për ushqimet e tharta kanë nevojë edhe personat që kanë mungesë të vitaminës C dhe magnezit. Para se të kompensoni mangësitë e këtyre lëndëve ushqyese, duhet të kontrolloni përqendrimin e tyre në trup.
Ndërkaq, ju rikujtojmë se në moshën 30-vjeç është e rëndësishme t’i kushtoni vëmendje të veçantë asaj që hani, sepse trupi fillon të mos jetë më i njëjti. Shkaku qëndron në ngadalësimin e metabolizmit dhe rënien progresive të hormoneve të estrogjenit.
Me kalimin e kohës, shumë funksione të organizmit priren të bëhen më të ngadalta dhe më pak efikase. Një dietë e pasur me yndyra, sheqerna dhe ushqime të rafinuara e bën procesin e plakjes më të shpejtë dhe lehtëson shtimin në peshë. Për të mbrojtur trupin tuaj dhe për të ruajtur formën dhe shëndetin, ju duhet të zgjidhni ushqimet që duhet të konsumoni.
