Nick Carter doli në skenë për herë të parë që kur u akuzua për përdhunim teksa performoi në ‘Jingle Ball’ të ‘iHeartRadio’ në New York të premten mbrëma. Këngëtari performoi së bashku me shokët e tij të grupit të Backstreet Boys, Kevin Richardson, AJ McLean, Brian Littrell dhe Howie Dorough, në koncertin e festave vjetore në Madison Square Garden.
Carter u shfaq i veshur me të bardha dhe i gëzuar teksa ai dhe grupi i tij kënduan këngën “Last Christmas” si dhe hitin e tyre të vitit 1997, “Everybody”. Dalja e tij publike vjen pasi një grua 39-vjeçare e quajtur Shannon ‘Shay’ Ruth mbajti një konferencë shtypi me avokatin e saj dhe pretendoi se ajo ishte përdhunuar nga Carter kur ishte e mitur.
21 vitet e fundit kanë qenë të mbushura me dhimbje, konfuzion, zhgënjim, turp dhe vetëlëndim që janë rezultat i drejtpërdrejtë i përdhunimit nga Nick Carter. Edhe pse jam autike dhe jetoj me paralizë cerebrale, besoj se asgjë nuk më ka ndikuar më shumë apo ka pasur një ndikim më të qëndrueshëm në jetën time sesa ajo që bëri dhe më tha Nick Carter.
Pavarësisht se këngëtari i mohoi të gjitha akuzat dhe mori mbështetjen e fansave të tij, ABC anuloi shfaqjen speciale të festës së ardhshme të Backstreet Boys, “A Very Backstreet Holiday”. Avokati i tij Michael Holtz, tha:
Ky pretendim për një incident që supozohet se ka ndodhur më shumë se 20 vjet më parë është jo vetëm i pavlerë ligjërisht, por edhe krejtësisht i pavërtetë. Fatkeqësisht, për disa vite tani, zonja Ruth është manipuluar për të bërë pretendime të rreme për Nick dhe ato pretendime kanë ndryshuar vazhdimisht dhe materialisht me kalimin e kohës.
