“Shërbimi Shëndetësor Kombëtar i Britanisë së Madhe (NHS) duhet të reformohet ose të vdesë”. Një gjë e tillë pritet të thuhet nga kryeministri britanik Keir Starmer, teksa publikohet një raport shterues për shërbimin shëndetësor.
Starmer do të përcaktojë planet e tij për trajtimin e listave të gjata të pritjes, përmirësimin e shëndetit të vendit dhe zhvendosjen e fokusit drejt shërbimeve komunitare. Kjo pasi një raport i fortë nga kirurgu akademik, shefi i Kirurgjisë në Imperial College London dhe ish-ministri i Shëndetësisë, lordi Darzi zbuloi se NHS është “në telashe serioze”.
Raporti i përfunduar në nëntë javë, diagnostikon problemet në NHS dhe përcakton temat që qeveria duhet t’i përfshijë në një plan 10-vjeçar për reformimin e shërbimit shëndetësor. Studimi argumenton se NHS po përballet me kërkesë në rritje për kujdes pasi njerëzit jetojnë më gjatë, shoqëruar me produktivitet të ulët në spitale dhe moralin e dobët të stafit.
Duke folur në një takim në Londër, Starmer do të thotë se “NHS është në një udhëkryq dhe ne kemi një zgjedhje si duhet të përmbushë këto kërkesa në rritje”.
Rrisni taksat për njerëzit që punojnë për të përballuar kostot gjithnjë e më të larta të një popullsie në plakje ose reformoni për të siguruar të ardhmen e saj. Ne e dimë që njerëzit që punojnë nuk mund të përballojnë të paguajnë më shumë, kështu që ose reformohemi ose vdesim.
Starmer do të zotohet të punojë në tre fusha themelore të reformës për ta bërë NHS-në të përshtatshme për të ardhmen.
Do të thotë se ky mund të jetë rijetëzimi më i madh i NHS-së sonë, që nga lindja e saj. Kjo qeveri po punon me ritëm për të ndërtuar një plan 10-vjeçar. Diçka kaq ndryshe nga çdo gjë që ka ndodhur më parë.
Në vend të qasjes nga lart-poshtë të së kaluarës, ky plan do të ketë gjurmët e gishtave të stafit të NHS-së e të pacientëve. Dhe ndërsa e ndërtojmë së bashku, unë dua ta përcaktoj këtë plan rreth tre ndryshimeve të mëdha. Së pari, duke kaluar nga një NHS analoge në një NHS dixhitale. Një shërbim i së nesërmes, jo vetëm një shërbim i sotëm, sipas tij.
Së dyti, ne duhet të zhvendosemi me më shumë kujdes nga spitalet në komunitete… Dhe së treti, duhet të jemi shumë më të guximshëm në kalimin nga sëmundja në parandalim do të theksojë kryeministri britanik, Starmer.
