Mes qindra viktimave të përmbytjes që gjunjëzoi Valencian është edhe një futbollist.
Ai ishte Josè Castillejo , 28 vjeç, një anësor sulmues me të kaluar në Valencia. I lindur më 29 shkurt 1996, futbollisti luajti në ekipet e të rinjve të klubit deri në 18 vjeç.
Gjatë karrierës së tij ai kishte luajtur në ekipe të tjera në rajon: Paterna, Torre Levante, Buñol, Recambio Colón de Valencia dhe CD Roda del Castellón, përveç Eldense (divizioni i tretë spanjoll).
Madje, vetë klubi spanjoll e kujtoi atë me anë të një postimi në rrjetet sociale: “Valencia CF vajton vdekjen e José Castillejo, viktimë e fatkeqësive të DANA. José Castillejo u rrit në radhët e të rinjve të klubit dhe luajti në ekipe të ndryshme në Komunitetin Valencias. Pusho në paqe”.
El @valenciacf lamenta profundamente el fallecimiento de José Castillejo, víctima de los desastres de la #DANA
José Castillejo formó parte de la @Academia_VCF hasta etapa juvenil y ha militado en varios equipos de la Comunitat Valenciana.
DEP pic.twitter.com/glsR3UKTfF
— Valencia CF (@valenciacf) October 31, 2024
Më shumë se 200 njerëz janë konfirmuar të vdekur, shumica në dhe rreth Valencias, por numri i të vdekurve pritet të vazhdojë të rritet.
Shirat e dendur që filluan të hënën shkaktuan përmbytje që kanë shkatërruar ura dhe kanë mbuluar qytetet me baltë, duke ndërprerë komunitetet dhe duke i lënë ata pa ujë, ushqim ose energji elektrike.
Mijëra njerëz kanë udhëtuar nga qyteti i Valencias në zonat rurale të afërta për të sjellë furnizime dhe ndihmë me përpjekjet e pastrimit, por të premten autoritetet njoftuan se trafiku në rajon do të kufizohet gjatë fundjavës për të siguruar akses për punonjësit e urgjencës.
Paralajmërimet e motit që mbeten në fuqi në Spanjën veri-lindore dhe jugore do të zgjasin deri të dielën, ndërsa një tjetër është lëshuar në Ishujt Balearik për të shtunën.
Rreth 1700 ushtarë tashmë po punojnë në operacionet e kërkim-shpëtimit në rajonin e Valencias, megjithëse shpresa për të gjetur më shumë të mbijetuar po pakësohet.
