Tani Arnold Schwarzenegger po përballet me Olympus. Të enjten, aktori ndau një poster për një projekt të ri misterioz të quajtur “Zeus” në rrjetin e tij social Instagram, ku shfaqej i veshur si kryezoti i grekëve. Duke lënë edhe një mbishkrim të fshehtë.
Vjen në shkurt 2022.
Ndërsa faqja e Schwarzenegger në IMDb nuk ka një film që liston “Zeus”-in si projekt, “Men’s Health” raporton se projekti mund të jetë një reklamë e mundshme e “Super Bowl” për transmetimin e lojës më 13 shkurt. Ish-guvernatori i Kalifornisë ka vazhduar të jetë i zënë duke punuar në filmat e Hollywood-it me projekte si “Kung Fury 2”, “Triplets” dhe “The Legend of Conan”.
Arnold Schwarzenegger u përfshi në një aksident automobilistik me katër automjete të tjera ditën e kaluar, ku një grua mbeti e plagosur. Një përfaqësues i aktorit ka thënë për revistën “People” se gjendja e tij është e mirë, por ai është i shqetësuar vetëm për gruan që u plagos.
Departamenti i Policisë së Los Angeles konfirmoi se një aksident ka ndodhur në Sunset Blvd. dhe Allenford Ave. Ish-guvernatori i Kalifornisë, 74 vjeç, ishte brenda një makine të tipit Yukon që goditi një Toyota Prius të kuqe, duke shkaktuar hapjen e airbagëve të SUV-së. Siç u raportua fillimisht nga TMZ, makina e tij u rrotullua mbi automjetin tjetër përpara se të kthehej dhe të rrotullohej mbi një Porsche Cayenne.
Personi në timonin e makinës tjetër, e cila mësohet se është një grua e paidentifikuar, ka pësuar lëndime dhe është transportuar me ambulancë në spital. “ABC 7” raportoi se askush nuk është arrestuar dhe alkooli nuk besohet të ketë qenë një faktor, sipas “People”.
