Në maj të këtij viti, moderadori dhe sportisti Erion Zeqiraj bëri publike lidhjen e tij me Blerta Ligaj krejtësisht pa dashje. Ai kishte ngatërruar foton në një postim në rrjetet sociale duke publikuar atë me të dashurën e tij, duke zbuluar kështu lidhjen që po mundohej shumë ta mbante sekret…të paktën edhe për pak kohë. I ftuar në Live From Tirana, ish-banori i “Big Brother” tha se me Blertën urë lidhëse për të nisur komunikimin për herë të parë, ishin rrjetet sociale. Më datën 1 gusht ai i ka propozuar njeriut të zemrës dhe gjithçka ishte shumë romantike. Erioni tha se frika e Koronavirusit ishte e madhe dhe se ata i ndiqnin me rreptësi rregullat ant-COVID por megjithatë arriti t’a bëjë këtë propozim të paharrueshëm për të dashurën e tij të zemrës.

Dola për bërë përgatitjet dhe po mundohesha ta mbaja këtë sekret por Blerta u shqetësua e u nervozua shumë sepse e kuptoi që nuk isha në punë dhe as në stërvitje. Fillova të mendoj se nuk po bëja gjënë e duhur me këtë propozim dhe i druhesha ndonjë sherri që mund të ndodhte që do na çonte drejt ndarjes, pasi kisha dalë vërdallë në kohë pandemie.

Pavarësisht kësaj, Erioni arriti të lumturojë tanimë bashkëshorten e tij duke i propozuar në tarracën e shtëpisë së tyre. Një moment intim dhe i veçantë për të dy ata.