Më 9 Korrik në Top Albania Radio fillon transmetimin podcasti më i ri i Edea Demaliaj. “Orët” do të tentojë të hedhi dritë mbi historitë e vërteta të krimit, rrëmbimeve e fenomeneve kulturore që e lënë Shqipërinë tonë në vend, e shpesh e kthejnë disa hapa mbrapa. Intervistat me viktimat e ngjarjeve më të bujshme do t’i rikthejnë rëndësinë e humbur historive të vërteta e mbi të gjitha të rikujtojnë publikun se ndonjëherë është më mirë të dish se të mos dish.
Një podcast krejtësisht i ri, nga Edea, e cila përpos karrierës së saj si këngëtare po ngjit shkallët e karrierës si gazetare e psikologe ku në vitin 2021 u diplomua me dy diploma bachelor në Journalism dhe Psychology.
Në një vend ku të fshehtat rrallë dalin në sipërfaqe, shumë pak ngjarje i mbijetojnë mizorisë së kohës dhe arrijnë të dalin në dritë. Në fushëbetejën e jetës, jo të gjithë dalin fitimtarë, ama një gjë është e sigurtë të gjithë luftojnë. Ky është një podcast i bazuar në histori të vërteta.
View this post on Instagram
