Rezulton se implanti i diskutueshëm i trurit i Elon Musk mund të mos jetë vetëm ideja e majmunëve që luajnë videolojëra. Neuralink po përballet me veprime ligjore nga Komiteti i Mjekëve për Mjekësinë Përgjegjëse, një grup për të drejtat e kafshëve që pretendon se 23 majmunë iu nënshtruan “vuajtjeve ekstreme” gjatë testeve të kryera në Universitetin e Kalifornisë.
Çipat e trurit, të cilat Musk pretendon se do t’i lejojnë njerëzit të konkurrojnë me inteligjencën artificiale dhe t’i japin fund një sërë problemesh mjekësore, u implantuan te majmunët në një seri testesh nga viti 2017 deri në vitin 2020. Grupi pretendon se gjatë këtyre testeve, majmunët patën probleme të tmerrshme duke filluar nga të vjellat, tek infeksioni dhe deri te ngordhja e tyre.
Shumë nga majmunët përjetuan vuajtje ekstreme si rezultat i kujdesit joadekuat të kafshëve dhe implanteve shumë invazive të kokës gjatë eksperimenteve.
Një majmun thuhet se u gjet i plagosur dhe i mungonin gjymtyrët, “ndoshta nga vetë-gjymtimi ose trauma të tjera të paspecifikuara” dhe një tjetër zhvilloi një infeksion për shkak të vrimave të shpuara drejtpërdrejt në kafkën e tij për implantin. Një tjetër “u duk se u rrëzua nga rraskapitja/lodhja” dhe përfundimisht ngordhi nga një hemorragji në tru. Raporti vjen, në mënyrë alarmante, ndërsa Neuralink përgatitet të fillojë provat njerëzore, të cilat mund të fillojnë që në fillim të këtij viti.
Sipas mediave të huaja, këto çipa do të implantohen në trurin e njerëzve për të regjistruar dhe stimuluar njëkohësisht aktivitetin e trurit.
Musk synon që çipi në fjalë të ketë aplikime mjekësore, të tilla si trajtimi i lëndimeve serioze të shtyllës kurrizore dhe çrregullimeve neurologjike. Gjatë një interviste të transmetuar drejtpërdrejt në Samitin e Këshillit të CEO të Wall Street Journal Musk u pyet se çfarë planifikonte të bënte Neuralink në 2022.
Ndërkohë, Musk u përgjigj:
Neuralink funksionon mirë te majmunët dhe ne në fakt po bëjmë shumë testime dhe po konfirmojmë se është shumë i sigurt dhe i besueshëm dhe pajisja Neuralink mund të hiqet në mënyrë të sigurt. Shpresojmë ta kemi këtë edhe tek njerëzit, të cilët do të jenë persona që kanë lëndime të rënda të shtyllës kurrizore si tetraplegjikë. Jemi në pritje të miratimit nga FDA.
