Ylli televiziv Kim Kardiashian ka folur për herë të parë publikisht rreth zërave që e shihnin atë në një marrëdhënie me Jude Bellingam. Modelja e cila ka zgjedhur anglezin si pjesë të imazhit të kompanisë së saj të veshjeve intime, pak kohë më parë çuditi të gjithë me fotot që publikoi nga grumbullimi i Real Madrid, ku shfaqej shumë e afërt me 21-vjeçarin.
Por e ftuar në një emision televiziv, miliarderja ka hedhur poshtë idenë e një lidhje me futbollistin anglez, duke shtuar se fëmijët e saj ndoshta do ta dëshironin një gjë të tillë. “Kjo nuk është ajo që dua unë. Është në fakt për të qeshur pasi fëmijët e mi mundohen të më bindin duke më thënë se janë gati, por nuk jam unë! Ata janë shumë të veçantë. Ata vijnë në shtëpi dhe bëjnë lista. Saint do që unë të lidhem me një basketbollist apo futbollist me çdo kusht. Dhe unë u them: Ah sikur ju ta dinit…”-tha duke qeshur Kim duke aluduar për lidhjet e shumta me sportistë në të kaluarën e saj.
Rikujtojmë se Kardashian ka zyrtarisht në duar një tjetër aktivitet të njërit prej fëmijëve të saj. Themeluesja e “Skims”, 43-vjeçe, zbuloi se ajo ‘më në fund’ e lejoi atë dhe djalin 8-vjeçar të Kanye West, Saint, të krijonte një kanal në YouTube. Por, ajo nuk e miratoi këtë pa i shtuar më parë disa rregulla. Kim bëri me dije në rrjete sociale se Saint iu lejua të bashkohej në YouTube ‘pas nënshkrimit të një kontrate të gjerë’.
Në një postim tjetër që tregon një foto të kontratës të shkruar me dorë, ajo paralajmëroi se “më mirë të mos e shkelë”. Marrëveshja, e cila duket se është shkruar nga vetë Kim, thotë se është një kontratë midis Saint West dhe Kim Kardashian e datës 3 shtator 2024 dhe ka kushte rreth familjes, duke përfshirë motrën më të madhe, North West, 11vjeçe. “Unë, Saint West, pranoj të ndjek rregullat e nënës time për të pasur një kanal në YouTube”-thuhet në kontratë.
