Qëllimi kryesor që kemi të gjithë në jetën tonë është të jemi të lumtur. Megjithëse ka teori që thonë se lumturia nuk ekziston, ka vetëm copëza lumturie, ka të tjerë që lumturinë e lidhin me një nocion të së shkuarës, ose mendojnë se “dikur ishim të lumtur”. Por, studiuesit e fushës kanë treguar se megjithatë ekziston një periudhë në të cilën njeriu arrin kulmin e lumturisë. Ata tregojnë se mosha që do të ndihemi më tepër të lumtur do të jetë ajo 33-vjeçare.
Burimi i kësaj lumturie do të jetë sipas psikologëve, gëzimi familjar dhe ndjenjat që do të ekzistojnë mes partnerëve, pa harruar të përmendim edhe ardhjen në jetë të fëmijëve, ecurinë e mirë në karrierë që në këtë moshë zakonisht është arritur, si edhe optimizmin që e karakterizon njeriun si pasojë e pjekurisë dhe pavarësisë që ka arritur. Psikologia angleze Donna Dawson shpjegon se në moshën 33-vjeçare njeriu ka eleminuar nga vetja naivitetin e rinisë dhe rebelizmin e adoleshencës duke pasur brenda vetes tashmë një ndjenjë te fortë shprese dhe bindjeje për talentet apo aftësitë që zotëron.
Ndërkaq, si lidhet lumturia me shëndetin tonë? Si mundet një person i lumtur të “parandalojë” apo të përballojë me efektivitet çdo problem shëndetësor? Studimi i ri hedh më shumë dritë mbi marrëdhënien e ngushtë midis shëndetit mendor dhe atij fizik. Lumturia dhe shëndeti i mirë janë të lidhura më njëra tjetrën, siç kanë argumentuar prej kohësh shkencëtarët.
Lumturia, në fund të fundit, është një reflektim i shëndetit mendor. Një person i lumtur mund të jetë më i shëndetshëm dhe më elastik ndaj rreziqeve të mundshme me të cilat do të përballet. Lumturia nuk mund të matet, por disi shkencëtarë arritën të na qetësojnë. Duke kryer eksperimente dhe sondazhe, ata zbuluan disa gjëra që nuk mund t’i kishit imagjinuar kurrë se mund të ishin shenja të një personi të lumtur. Njihuni me shenjat që mund t’ju vërtetojnë se jeni më i/e lumtur se sa mendoni.
