Brazilianët festojnë sot ‘Ditën e të dashuruarve’ që në shumë vende të tjera festohet në 14 shkurt. Me këtë rast futbollisti i njohur Neymar ka postuar një foto të rrallë me të dashurën e tij, Bruna Biancardi, duke i bërë edhe një dedikim romantik. Ylli i PSG ka postuar një foto krah bukuroshes braziliane në rrjetin e tij social Instagram ku shfaqen të veshur matchy-matchy me të bardha. Ai ka shkruar:
Gëzuar ditën e të dashuruarve!
https://www.instagram.com/p/CeuWsFkoj5B/
Ndërkohë, nuk ka munguar një urim publik as nga Bruna. Ajo ka publikuar në rrjetin e saj social Instagram jo një por një album me fotot nga momente të ndryshme intime. Ajo ka shkruar se:
Gëzuar ditën e parë të të dashuruarve për ne!
Aktualisht çifti i njohur ndodhet në Miami ku po kalojnë pushimet e para të kësaj vere pas mbylljes së sezonit të futbollit. Atyre u janë bashkuar miqtë por edhe motra e Neymar, Rafaella. Ylli i Paris Saint-Germain po shijon prej mëse një viti lidhjen e tij të re me bukuroshen braziliane Bruna Biancardi. Neymar dhe Bruna u panë së bashku për herë të parë kur ishin në një udhëtim në Ibiza të Spanjës gushtin e kaluar.
Megjithatë çifti e ka mbajtur gjithmonë private lidhjen e tyre dhe asnjëri prej tyre nuk ka folur publikisht. Por, së fundmi e kanë zyrtarizuar në Instagram ku nuk kanë munguar dedikimet e ëmbla për njëri-tjetrin. Pas pushimeve së bashku, dalja e tyre e radhës krah njëri-tjetrit ishte në një festë për Halloween, ku ai ishte veshur si Batman, ndërsa ajo si një vampire me të kuqe.
