Një burrë nga Massachusetts ka fituar një çmim lotarie prej një milion dollarësh në të njëjtin dyqan ku ka blerë bileta për 20 vjet. William Lally nga Roslindale u tha zyrtarëve të Lotarisë Shtetërore të Massachusetts se ai ka blerë bileta lotarie nga Roslindale Food Mart për 20 vjet.
Ai zbuloi se këmbëngulja e tij u shpërblye kohët e fundit kur bleu një biletë 100X Cashword për 20 dollarë dhe gërvishti një çmim prej 1 milion dollarësh. Dyqani i tij i preferuar fitoi një bonus prej 10 mijë dollarëve për shitjen e biletës fituese. Rikujtojmë se lotaria shtetërore e Massachusetts në SHBA ka zbuluar se Christine Wilson ishte me fat pasi kishte goditur dy herë xhekpotin.
Wilson nga Attleborough ka fituar çmimin e parë prej 1 milion dollarëve në shkurt të këtij viti. Kur e fitoi çmimin e parë, Wilson tha se fitimet e saj planifikon t’i shpenzojë për blerjen e një makine të re. Papritur, ajo tashmë ka në plan që fitimet t’i kursejë. Bëhet e ditur se biletën e fundit amerikania e ka blerë në qytetin Mansfield ku thuhet se edhe dyqani do të marrë një bonus prej 10 mijë dollarëve për shitjen e saj. Rikujtojmë, se një burrë me vetëm 2 dollarë me vete pati super fat dhe fitoi mbi 1.3 miliardë dollarë në xhekpotin e Powerball, i teti më i madhi në historinë amerikane.
