Një studim i ri lidh ndotjen e ajrit me rrezikun e ekzemës (dermatit), duke u fokusuar veçanërisht në grimcat nga automjetet dhe termocentralet e njohura si PM2.5. Këta ndotës, me madhësi 2,5 mikrometra ose më të vegjël, mund të mbiaktivizojnë sistemin imunitar, duke shkaktuar inflamacion që shkakton lëkurë të thatë dhe kruajtje. Për të hetuar këtë lidhje, Jeffrey Cohen nga Shkolla e Mjekësisë e Yale dhe ekipi i tij analizuan të dhënat shëndetësore të më shumë se 280.000 individëve, kryesisht në të 50-at, të cilët morën pjesë në Programin Kërkimor të SHBA-së.
Duke përdorur të dhënat e ndotjes 2015 PM2.5 të mbledhura nga Qendra për Zgjidhjet e Ajrit, Klimës dhe Energjisë, ekipi i Cohen krahasoi cilësinë e ajrit në 788 vende të SHBA me diagnoza ekzemë të regjistruara deri në mes të vitit 2022. Në zonat më të ndotura të SHBA-ve kishte më shumë ekzema, theksoi Koen. Gjetjet e tyre tregojnë se çdo rritje e përqendrimit të PM2.5 prej 10 mikrogramë për metër kub më shumë se dyfishon rastet e ekzemës.
Giuseppe Valacchi nga Universiteti Shtetëror i Karolinës së Veriut, i cili nuk mori pjesë në hulumtim, theksoi se studimi është shkencërisht domethënës sepse tregon qartë një korrelacion të qartë në një popullatë të madhe. Ai vuri në dukje se PM2.5 mund të shkaktojë reaksione të sistemit imunitar të ngjashme me reagimet ndaj polenit ose marimangave të pluhurit, duke prekur lëkurën dhe potencialisht të gjithë trupin përmes thithjes. Cohen beson se rezultatet e studimit nxjerrin në pah nevojën për politika më të rrepta kundër ndotjes së ajrit.
Për ata që jetojnë në zona me ndotje të lartë, Valacchi këshillon masa mbrojtëse si veshja e mëngëve të gjata apo qëndrimi në ambiente të mbyllura gjatë periudhave me ndotje të lartë. Ndërkaq, ndotja e ajrit në Shqipëri është përkeqësuar vitin e fundit, sipas raportit të OBSH-së. Gjatë 2023-shit, PM2.5, njësia e matjes së ajrit të ndotur në vend ishte 16.7, duke kaluar me tre herë mesataren e OBSH-së, ndërsa një vit më parë ishte 14.5. Ky është niveli më i lartë i ndotjes për të paktën 4 vitet e fundit. Shqipëria ngjyroset portokalli, që është tregues i ajrit jocilësor.
