Vazhdimi i filmit “Doctor Strange” është i ndaluar në Arabinë Saudite për shkak të superheroit kryesor i cili i përket komunitetin LGBTQ. Një tjetër film i “Marvel Studios” po përballet me një ndalim në vendet konservatore të Gjirit për shkak të një historie të lidhur me LGBTQ.
Vitin e kaluar “Eternals” u anulua shfaqja e planifikuar teatrale në Arabinë Saudite, Kuvajt dhe Katar për shkak të përfshirjes së një çifti të të njëjtit seks. Tani, vazhdimi i shumëpritur i “Doctor Strange in the Multiverse of Madness”, i cili hapet globalisht më 5 maj, po përballet me një ndalim të ngjashëm, këtë herë për një hero që është gati të luajë një rol kyç në Marvel Cinematic Universe.
Çështja në filmin e drejtuar nga Sam Raimi është personazhi i America Chavez, i njohur si Miss America, i luajtur nga ish-ylli i “Baby-Sitters Club”, Xochitl Gomez. E futur fillimisht në vazhdimësinë e Marvel Comics në 2011, Amerika vjen nga një realitet paralel, por gjen rrugën e saj në universin kryesor të Marvel, ku ajo bëhet anëtare e super ekipit rinor Young Avengers. Ajo është gjithashtu një nga personazhet më të spikatur homoseksualë të Marvel-it.
Me sjelljen homoseksuale ende të paligjshme në shumë vende të Gjirit, parashikohej që “Doctor Strange” si dhe filmi i ardhshëm i Pixar “Toy Story Lightyear” – i cili rivendosi një puthje të të njëjtit seks që ishte shkëputur më parë nga filmi – do të përballeshin me një ndalim të ngjashëm me Eternals.
Sipas The Hollywood Reporter, biletat e avancuara për Multiverse of Madness nuk janë më të disponueshme për t’u blerë në Arabinë Saudite, Kuvajt dhe Katar, por filmi duket se është ende në rrugën e duhur për t’u shfaqur në Emiratet e Bashkuara Arabe.
