Në një tjetër dëshmi se prerja ‘bob’ ka një ndikim të përhershëm tek personazhet e njohur, Natalie Portman ka shfrytëzuar paraqitjen e saj më të fundit në tapetin e kuq për të bërë të qartë “lidhjen” e saj me këtë model flokësh.
Në një transformim që mund ta lidhim me divorcin e saj të fundit nga koreografi francez Benjamin Millepied, Portman shfaqet me një prerje të shkurtër dhe me teksturë gjatë ceremonisë së Ballon d’Or, një ngjarje që feston futbollin evropian, e mbajtur në Théâtre du Châtelet në Paris.
Aktorja dhe bashkë-pronarja e Angel City FC, ekipi profesional i futbollit për gra në Los Angeles, ishte veshur nga drejtuesja kreative e Dior, Maria Grazia Chiuri, për këtë event. Ajo mbante një fustan velvet, blu të errët, një dizajn që u shfaq për herë të parë në shfaqjen e modës ‘Pre-Fall 2024’ të Maison në Nju Jork më herët gjatë vitit.
Një detaj i veçantë është se Portman ende kishte flokët e saj me gjatësi mesatare gjatë paraqitjes së fundit publike në një konferencë të primatologes britanike, Jane Goodall, në UNESCO në Paris disa ditë më parë, duke lënë të kuptohet se ky ishte një ndryshim i menjëhershëm pas ngjarjeve personale të aktorës.
Përveçse ka zgjedhur të tregojë natyrën e saj të flokëve të lakuar, një trend i ngjashëm me atë të Angelina Jolie që prezantoi stilin e saj të ri për rolin në filmin biografik “Maria” për Maria Callas, Portman ka lënë flokët të kalojnë paksa në anë, duke krijuar një efekt dramatik dhe një pamje të relaksuar, por me stil.
Për ata që dëshirojnë të riprodhojnë këtë stil në shtëpi, mund të përdorin sprej për forcim dhe shkëlqim si “Color Wow Extra Strength Dream Coat” dhe “Sam McNight Cool Girl Superlift Volumising Spray” për volum dhe ngritje.
Pasi të përdorni këto produkte, mjafton të shfrytëzoni një krehër si “La Bonne Brosse” dhe do të keni një pamje të ngjashme.
Ky ndryshim i stilit të aktores vjen edhe në një kohë kur shumë personazhe, përfshirë Victoria Beckham, Nicola Peltz, Lily Collins dhe Selena Gomez, kanë zgjedhur gjithashtu të ndryshojnë gjatësinë e flokëve të tyre, duke e bërë bob-in një nga stilët më të popullarizuar të momentit.
