Aktores së njohur, Jennifer Aniston pothuajse iu refuzua hyrja në ‘Emmy Awards 2024’ për shkak të një problemi me biletën, pavarësisht se ishte në mesin e yjeve që ishte e nominuar. Aktorja 55-vjeçare amerikane, e cila famën ndërkombëtare e fitoi për rolin e Rachel Greene në serialin “Friends” nga viti 1994 deri në vitin 2004, ishte e nominuar për kategorinë ‘aktorja më e mirë në një rol kryesor’ në serialin dramë për serialin “The Morning Show”.
Por, kur mbërriti në Teatrin Peacock në qendër të Los Angeles, biletat e saj nuk skanoheshin nga sigurimi për rreth dy minuta. Siç raportohet, një person më pas kishte ndërhyrë pas këtij problemi duke diskutuar me sigurimin.
“Pse nuk po e lini të hyjë? E dini kush është kjo!”, i tha ai sigurimit.
Vetëm në atë moment ajo u lejua të hynte në event, teksa doli dhe pozoi për fotografët në tapetin e kuq. Ndonëse Jennifer Aniston nuk e fitoi çmimin e saj, seriali “The Morning Show” fitoi tre çmime Emmy.
