Hulumtimet tregojnë se një person mesatar bën pak më shumë se 5000 hapa në ditë, me disa raporte që tregojnë se mesatarja është deri në 3000. Edhe nëse shkoni në palestër disa herë në javë, mund të mos lëvizni mjaftueshëm për të mbajtur peshën tuaj në një interval të shëndetshëm. Qendrat për Kontrollin dhe Parandalimin e Sëmundjeve (CDC) rekomandojnë që të ushtroheni 150 minuta me ushtrime me intensitet të lartë gjatë javës. Por me 5000 hapa në ditë kjo është vështirë e arritshme.
Shtimi në peshë dhe një mënyrë jetese ku ju qëndroni vetëm të ulur mund të kontribuojë në përkeqësimin e shëndetit dhe shfaqjen e sëmundjeve të zemrës, goditje në tru dhe rezultate më të dobëta të shëndetit mendor. Një mënyrë e mirë për ta mbajtur veten aktiv është që të bëni lëvizje të njëpasnjëshme. Gjatë kësaj kohe mund të ngriheni nga karrigia dhe të bëni disa lëvizje të lehta. Kjo mund të ndihmojë në luftimin e efekteve negative të qëndrimit ulur si dhimbja, ngurtësimi apo çekuilibri muskulor.
Për të arritur 10.000 hapa, ju duhet vetëm të ecni për rreth 1 orë e 40 minuta, ose deri në dy orë, në varësi të gjatësisë dhe shpejtësisë së hapit tuaj. Ecja pas ngrënies mund të ndihmojë në kontrollin e niveleve të sheqerit në gjak, duke shtuar përfitime edhe më të rëndësishme në aktivitetin tuaj.
Ka disa lloje ushtrimesh që mund të bëni në tavolinën tuaj të punës. Disa karrige kanë pajisje që ju mundësojnë të lëvizni këmbët gjatë kohës së qëndrimit. Sipas hulumtimit, këto pajisje janë treguar të dobishme për punonjësit mbipeshë të zyrës. Organizimi i takimeve në këmbë mund të jetë një opsion nga i cili mund të përfitojnë të gjithë. Jo vetëm që do të rrisë potencialisht kreativitetin, por do t’ju mbajë më aktiv.
Nëse ndërtesa juaj ka shkallë, kaloni ashensorin dhe ngjitni shkallët sa herë që mundeni. Ngjitja e shkallëve mund të djegë tre herë më shumë kalori sesa ecja në këmbë ose ecja e lehtë. Kërkoni mënyra kreative për të krijuar më shumë ecje në ditën tuaj. Parkoni më larg ndërtesës ku punoni në mënyrë që të bëni më shumë hapa. Udhëtime të vogla si këto do të shtojnë hapa të rëndësishëm gjatë ditës.
