Monica Bellucci ka folur për plakjen me hijeshi, duke thënë se dëshiron ‘të plaket në mënyrë paqësore’ dhe nuk është ‘e fiksuar’ për të ruajtur figurën e saj në të 50-at. Aktorja italiane, 57 vjeçe, ndau mendimet e saj për rritjen e moshës në një intervistë me revistën “Sunday Times Style”, duke thënë se preferon verën, makaronat dhe klasat e herëpashershme të pilates sesa stërvitjet rraskapitëse dhe dietat kufizuese.
Unë nuk jam e fiksuar. Unë kam qenë gjithmonë një grua me forma, asnjëherë kaq e dobët, kjo është natyra ime. Dhe unë dua të plakem në një mënyrë paqësore. Kur je 50 ose 60 vjeçe, nuk ke të njëjtat nevoja si kur je 20. Ti ndryshon, sikur fëmija juaj hyn në dhomë, shihni se gjëja e parë është ajo. Ne vijmë në vendin e dytë. Kjo na jep një tjetër perspektivë.
Bellucci u shfaq në kopertinën e revistës me një fustan të zi që tregon format e saj perfekte trupore. Ndërsa ajo sigurohet që të bëjë mjaftueshëm ushtrime fizike dhe të kontrollojë paksa se çfarë ha kur është duke punuar, por ajo nuk shkon në ekstreme. Modelja zgjedh ta shikojë plakjen në një mënyrë të pashmangshme dhe sheh bukurinë në të.
Ka shumë momente të ndryshme në jetë. Kur je shumë e re, ke atë që në Francë e quajnë “la beauté du diable”, bukurinë e djallit, e cila është thjesht e natyrshme, është bukuria e rinisë, bukuria e një momenti biologjik në jetën tënde. Dhe jeta vazhdon. Fiziku, plaket dhe ne duhet të merremi me këtë. Nuk mund të bëjmë asgjë. Në të njëjtën kohë jemi me fat, sepse nëse plakemi do të thotë se kemi jetë të gjatë. Ndërsa trupi zbret, shpirti rritet.
Bellucci diskutoi gjithashtu lëvizjen #MeToo dhe se si ajo nuk dëshiron që vajzat e saj, Deva Cassel, 17 vjeçe dhe Léonie Cassel, 11, të rriten për të ‘urryer’ burrat.
Ne kemi bërë një rrugë të gjatë dhe sot kemi guximin të themi gjëra sepse ka gra që e kanë bërë këtë para nesh, por në të njëjtën kohë unë nuk besoj në një luftë midis burrave dhe grave, mendoj se duhet të gjeni një bazë të përbashkët komunikimi. Nuk dua t’i mësoj vajzat e mia të jenë plot urrejtje, kjo nuk sjell asgjë. Duhet të gjejmë një mënyrë për të folur.
