Së fundmi aktorja e njohur Monica Bellucci rrëfeu në një intervistë të dhënë për 58 vjetorin e saj se përse nuk është e fiksuar pas rinisë. Duke folur për “Sunday Times” , ajo u shpreh:
Ka shumë femra që ndihen të lira dhe të gatshme të rriten, në mënyra të ndryshme.
Siç tha ajo, nuk është e gatshme të humbasë vitet duke ndjekur dieta strikte dhe sfilitëse dhe as nuk do të “shkrihet” në palestër, duke pasur një ankth të përhershëm për imazhin e saj. Natyrisht, kujdeset për veten, duke bërë ‘pilates’ për të qenë në formë dhe thjesht duke ndjekur një dietë të thjeshtë disa ditore nëse mendon se kalon peshën “ideale” për të, por asgjë dërrmuese.
Unë nuk kam obsesione të tilla. Unë kam qenë gjithmonë një grua me forma. Unë kurrë nuk kam qenë shumë e dobët, kjo është natyra ime. Kur je 50 dhe 60 vjeçe, nuk ke të njëjtat nevoja si kur ishe 20 vjeçe. Ti ndryshon, si kur mirëpret një fëmijë në botë. Ju ndryshoni prioritetet. Ka shumë momente të ndryshme në jetën e dikujt. Kur je e re, ke bukurinë e djallit, kështu e quajnë në Francë. Do të thotë bukuria e rinisë, bukuria e një momenti biologjik në jetën tuaj. Por jeta vazhdon.
Bellucci është nënë e dy vajzave, Deva, 18-vjeçare dhe Leonie 12-vjeçare, të cilat i ka me ish-bashkëshortin e saj, Vincent Cassel. Ndonëse janë ndarë që nga viti 2013, ata ruajnë një marrëdhënie të mirë për hir të fëmijëve të tyre.
Rikujtojmë, se së fundmi Monica ka folur për plakjen me hijeshi, duke thënë se dëshiron ‘të plaket në mënyrë paqësore’ dhe nuk është ‘e fiksuar’ për të ruajtur figurën e saj në të 50-at. 58-vjeçarja ndau mendimet e saj për rritjen e moshës në një intervistë me revistën “Sunday Times Style”, duke thënë se preferon verën, makaronat dhe klasat e herëpashershme të pilates sesa stërvitjet rraskapitëse dhe dietat kufizuese.
