Pamjet tronditëse tregojnë momentin kur një ari cirku sulmoi trajnerin e tij teksa detyrohej të performonte në një shfaqje në Rusi. Incidenti ndodhi teksa spektatorët, një numër i madh familjesh dhe fëmijë të vegjël u mblodhën në Cirkun Mash në Obninsk, në rajonin e Kaluga, më 1 qershor për të parë shfaqjen e quajtur ‘Happiness Show’.
Duke marrë parasysh emrin e shfaqjes, publiku pa dyshim priste të kënaqej nga lloj-lloj shfaqjesh mbresëlënëse nga talenti i cirkut, por gjërat morën një kthesë tronditëse kur u shfaq ariu femër Dzhema. Kafsha kishte një palë patina të lidhura në putrat e saj të pasme dhe u detyrua të ulej në një karrige përpara se trajneri i saj, Oleg Krasov, ta tërhiqte.
Krasov e shtyu Dzhema që ajo të fillonte të lëvizte me patina, por ariu e bëri të qartë se nuk donte të bënte atë çfarë i thanë. Ndërsa Krasov ia ktheu shpinën ariut, ajo shfrytëzoi rastin e saj për të goditur dhe u hodh me të katër këmbët përpara drejt tij. Pamjet tregojnë momentin kur ariu sulmoi trajnerin, duke bërë që të gjithë të pranishmit të bërtisnin nga frika.
Ariu përdori kthetrat dhe nofullat e saj për të sulmuar Krasovin, duke bërë që ai të rrëzohej në tokë ndërsa punonjësit e cirkut u përpoqën të merrnin nën kontroll situatën e papritur.
Mediat lokale konfirmuan se trajneri nuk ka pësuar lëndime serioze si pasojë e incidentit. Në fakt, grupi i menaxhimit të cirkut u përpoq ta quante sulmin si një situatë ‘normale’. Ata thanë në një deklaratë se:
Ajo nuk e lëndoi fare. Ajo në fakt po luante me të. Këto janë veprimet e saj normale. Ajo e do atë.
Organizatat për të drejtat e kafshëve kanë dënuar përdorimin e arinjve dhe kafshëve të tjera për qëllime argëtimi si cirk.
