Reali i Madridit po përballet me një dilemë të rëndësishme për të përforcuar skuadrën e tij me një nga xhevahiret e futbollit europian: Florian Virtc. Në moshën 21-vjeçare, lojtari i ri i Leverkusenit ka ngjallur interesin e disa prej klubeve më të fuqishme në kontinent, përfshirë Realin, që sheh te ai pasuesin e denjë për Luka Modriç që me shumë gjasa do ta mbyllë me “Los Blancos” në fund të sezonit.
Ajo që shqetëson Realin megjithatë ka të bëjë me koston financiare që pritet të ketë klubi për shërbimet e gjermanit. Leverkuseni e ka vlerësuar në 150 milionë euro, me Realin që nuk ka ndër mend të bëjë të tilla shpenzime.
Ndaj zgjidhja duket disi ndryshe, shitja e një prej yjeve të ekipit. Siç raporton gazeta “Sport”, tre lojtarë kyç dallohen mes emrave që mund të largohen për t’i bërë vend atij: Vinicius, Rodrigo Goesh dhe Arda Gyler, me këta dy të fundit si mundësi reale.
