Në botën e madhe të modelingut gjithmonë organizohen evente dhe shumë festa ku nuk mungon magjia dhe shkëlqimi, koktejlet, alkooli, shampanja dhe jo vetëm kaq. Një nga supermodelet më të njohura, Gisele Bündchen ka zgjedhur që për më shumë se dy vite të mos konsumojë alkool. Një vendim që mund të duket pak i papritur duke marrë parasysh edhe stilin e jetës me të cilin është mësuar që nga periudha që ajo ka qenë ylli i pasarelave. Kujdesi për veten dhe introspeksionit në një industri ku presionet për t’u përshtatur mund të jenë mjaft dërrmuese kanë shtyrë modelen që të marrë këtë vendim.
gisele bundchen for dior in 2004 pic.twitter.com/pOgB6DKGvn
— star girl ☆ (@niachronicles) September 17, 2023
Në një intervistë të fundit për People, Bündchen rrëfeu detaje për udhëtimin e saj drejt këtij vendimi, duke zbuluar se ishte nxitur nga një kërkim për qartësi në jetën e saj.
Menjëherë pasi mbusha 40 vjeç, në fakt, ndjeva një ndryshim të madh mes kohës kur pija një gotë verë dhe kur nuk e kisha gotën e verës. Është e pranuar nga shoqëria të pish një gotë verë. Dhe njerëzit madje thonë: “Oh, është e shëndetshme për ty”. Epo, nuk është e shëndetshme për mua.
Kjo zgjedhje e Bündchen në lidhje me kontrastin midis vetvetes dhe mendimeve të tjera nxjerr në pah një pikë tjetër këndvështrimi: ajo që funksionon për një person mund të mos funksionojë për një tjetër. Vendimi i saj për të hequr dorë nga alkooli nuk u nxit nga presioni i shoqërisë ose nevoja për t’u përshtatur, por nga dëshira për t’u lidhur me mirëqenien dhe shëndetin e saj.
U bëra më e qartë. Tani jam shumë e gatshme dhe shumë prezente dhe vërej gjëra që nuk i kam vërejtur më parë.
Përvoja e saj është një dëshmi e efekteve të thella që alkooli mund të ketë në qartësinë tonë mendore dhe është një udhëtim me të cilin shumë mund të lidhen. Por nuk është vetëm qartësia mendore që Bündchen ka fituar. Ajo tregoi se fle më mirë dhe ndihet më në harmoni me trupin e saj. Në një botë që shpesh na inkurajon të shtyjmë veten në limite, fjalët e saj shërbejnë si një kujtesë se kujdesi për veten dhe pushimi janë komponentë thelbësorë të një stili jetese të shëndetshëm.
